ფრაქცია „ევროპული საქართველო” ფარული მოსმენების შესახებ კანონში შესატანი ცვლილებების შესახებ ალტერნატიულ ვერსიას, დღეს, მესამე სექტორთან ერთად განიხილავს.

უმცირესობის ინიციატივა, მსგავსია იმ მოდელის, რომლის შექმნასაც არასამთავრობო ორგანიზაციები ემხრობიან. საუბარია დამოუკიდებელი ორგანოს შექმნაზე, რომლის ხელშიც იქნება მოსმენების ტექნიკური შესაძლებლობა.

აღნიშნულ ინიციატივას ისინი უმრავლესობის მიერ მომზადებული კანონპროექტის ალტერნატივად განიხილავენ.

შეგახსენებთ, მმართველი გუნდის მოდელი, მიყურადების განსახორციელებლად უსაფრთხოების სამსახურის სიპის შექმნას ითვალისწინებს.

ოპოზიციას და მესამე სექტორს კი მიაჩნიათ, რომ სიპის შექმნის შემთხვევაში უკანონო მოსმენები გაგრძელდება.