სამართალდამცველებმა საპოლიციო კონტროლის დროს, სისხლის სამართლის 78 და ადმინისტრაციულ სამართალდარღვევათა 1041 ფაქტი გამოავლინეს.

შინაგან საქმეთა სამინისტრომ, დანაშაულის პრევენციის და საზოგადოებრივი წესრიგის დაცვის მიზნით 14-15 თებერვალს, მთელი ქვეყნის მასშტაბით, სპეციალური საპოლიციო კონტროლი განახორციელა.

აღმოჩენილია ცეცხლსასროლი იარაღის მართლსაწინააღმდეგო შეძენა-შენახვისა და ტარების 21 ფაქტი. ნარკოტიკების უკანონო შეძენა-შენახვა-გასაღების 23 ფაქტი, ოჯახში ძალადობის 1 ფაქტი, ქურდობის 8 შემთხვევა. პოლიციამ 3 ძებნილი პირი დააკავა.

ასევე, ამოღებულია სხვადასხვა დასახელების ნარკოტიკული საშუალებები. საპოლიციო კონტროლის დროს, სამართალდამცველებმა ჩადენილი სისხლის სამართლის დანაშაულისთვის - 17, ხოლო ადმინისტრაციული სამართალდარღვევისთვის – 36 პირი დააკავეს.