უეფას ჩემპიონთა ლიგის გათამაშებაში, გუშინ, მერვედფინალური ეტაპის ორი შეხვედრა ჩატარდა.

ალიანს არენაზე, მიუნხენის „ბაიერნმა“ ლონდონის „არსენალი“ მიიღო და პრაქტიკულად პირველივე მატჩში გადაწყვიტა ორრაუნდიანი დაპირისპირების ბედი.

კარლო ანჩელოტის გუნდმა მეტოქე 5-1 გაანადგურა. ანგარიში არიენ რობენმა, ულამაზესი დარტყმით გახსნა. სტუმრებმა 30-ე წუთზე გაათანბრეს.

ალექსის სანჩესმა თერთმემტმეტრიანი ვერ გამოიყენა, თუმცა დამატებაზე ყველას დაასწრო და წონასწორობა აღადგინა.

მეორე ტაიმიდან მოყოლებული, რეკორდმაისტერი შეუჩერებელი იყო. მიუნხენელებმა ოსპინას კარი კიდევ ოთხჯერ აიღეს. დუბლი ტიაგო ალკანტარამ შეასერულა, თითო გოლი კი რობერტ ლევანდოვსკის და ტომას მიულერის ანგარიშზეა.

დიდი ალბათობით, საპასუხო თამაში, რომელიც 7 მარტს, ლონდონში გაიმართება, ფორმალობა იქნება და არსენალი ზედიზედ მეშვიდედ ვერ შეძლებს მერვედფინალური ბარიერის გადალახვას

მეოთხედფინალთან ახლოსაა მადრიდის „რეალიც“. სამეფო კლუბმა, სანტაგო ბერნაბეუზე იტალიური „ნაპოლი“ ანგარიშით 3-1 დაამარცხა.

თავიდან სტუმრები მერვე წუთზე ლორენცო ინსინიემ დააწინაურა. მადრიდელებმა მალევე გაათანაბრეს დანი კარვახალის გადაცემის შემდეგ, ზუსტად კარიმ ბენზემამ დაარტყა. ტაიმი ფრედ დასრულდა.

მეორე ნახევრის სტარტზე გერმანელმა ტონი კროოსმა „რეალი“ წინა გაიყვანა. თამაშის საფინალო ანგარიში კი ეფქეტური გოლით ბრაზილიელმა კაზემირომ დააფიქსირა.

ზიდანის გუნდი საპასუხო შეხვედრას ორბურთიანი ჰანდიკაპით ხვდება. 7 მარტს, საპასუხო დაპირისპირებაში ეს წყვილი ნეაპოლის სანპაოლოზე ითამაშებს.