„ჩვენ მოვუწოდებთ რუსეთს, უკან წაიღოს საქართველოს რეგიონების დამოუკიდებელ სახელმწიფოებად აღიარება და გაიყვანოს საქართველოს ტერიტორიიდან საკუთარი ძალები“ - იენს სტოლტენბერგმა ეს განცხადება ნატო-საქართველოს კომისიის სხდომის დასრულების შემდეგ გააკეთა.
ალიანსის გენერალური მდივნის თქმით, ნატო მტკიცედ უჭერს მხარს საქართველოს უსაფრთხოებას და ტერიტორიულ მთლიანობას.
სტოლტენბერგმა სიტყვით გამოსვლისას გააკრიტიკა რუსეთის ფედერაცია საქართველოს რეგიონებთან - აფხაზეთთან და სამხრეთ ოსეთთან ინტენსიური ურთიერთობების გამო.
ნატო-საქართველოს კომისიის სხდომაზე ასევე განიხილეს უსაფრთხოების გამოწვევები. ყურადღება გამახვილდა საქართველოს მიერ მიღწეულ პროგრესზე თავდაცვის რეფორმირების კუთხით, მათ შორის თავდაცვის სტრატეგიული მიმოხილვის დოკუმენტის მიმართულებით .
საქართველოს თავდაცვის მინისტრმა პირისპირ შეხვედრა გამართა ნატო-ს გენერალურ მდივანთან, აშშ-ის თავდაცვის მდივნის თანაშემწესთან და თურქ კოლეგასთან.