“სოლიდარობა მშრომელებს” – ამ გზავნილით „აუდიტორია 115-მა“ და პროფკავშირებმა, სხვადასხვა დაწესებულებიდან გათავისუფლებულ თანამშრომლებთან ერთად, გუშინ აქცია გამართეს.
დემონსტრანტებმა ერთად გააკრიტიკეს საქართველოში არსებული შრომითი უფლებები და მისი დარღვევის ფაქტები.
საქმე ეხება რუსთავის "აზოტის" ქარხნიდან გათავისუფლებულ ასობით თანამშრომელს, აგრეთვე სუპერმარკეტ “ფრესკოდან” და “ბიბლუსიდან ”დათხოვნილ პირებს, რომლებმაც მათ სამუშაო ადგილზე არსებული შრომითი პირობების შესახებ ვიდეომიმარვა გაავრცელეს.
აქციაზე გათავისუფლებული თანამშრომლებიც იმყოფებოდნენ. მსვლელობა თავისუფლების მოედანზე მდებარე "საქართველოს ბანკთან" დასრულდა, რომელსაც "აუდიტორიის" წევრები რუსთავის "აზოტის" ქარხანაში შექმნილ ვითარებაში ადანაშაულებენ.