წრეზე ვბრუნავთ !
დღესაც იმ დემოკრატიული ინსტიტუტის დაცვას ვცდილობთ, რომელიც ადრე ვერ დავიცავით. გვახსოვს დრო, როცა ტელეკომპანიებს არბევდნენ იარაღით ! დღეს ტელეკომპანია რუსთავი 2-ს არბევენ კორუმპირებული მოსამართლეების ჩაქუჩით !
ავტომატი ჩაანაცვლა ჩაქუჩმა !
სხვათაშორის სიმბოლურია, სწორედ 19 თებერვალს, 2004 წელს ტელეკომპანია ,,იბერიაში’’ შეიჭრა შეიარაღებული ნიღბიანები და ეს იყო შტურმი ტელეკომპანიის და იქ დასაქმებული ჟურნალისტების მიმართ ! ეს იყო დანაშაული !
მე დღეს არ მოვსულვარ ერთი ან ორი ადამიანის ინტერესების დასაცავად, თუმცა თითოეული ადამიანი ჩემთვის ფასეულია ! მე დღეს აქ ვარ, რომ დავიცვა ყველაზე რეიტინგული და ოპოზიციური ტელევიზიის გუნდი, რომელიც უკვე წლებია მძიმე სტრესის ქვეშ მუშაობს ! მე მოვედი, რომ ხელისუფლების შტურმისგან დავიცვა ტელეკომპანია, რომელიც ინტენსიურად ამხელს ხელისუფლების მანკიერ მხარეებს.
მე არ ვიცი რას ამბობს სხვები, მაგრამ მე ვიცი ის, რასაც მე ვამბობ... და მე ვამბობ, რომ დემოკრატიულ საქართველოში რუსთავი 2-ს აქვს უფლება იყოს ხელისუფლებისგან დამოუკიდებელი, მწვავე და კრიტიკული ტელეკომპანია ! მას უფლება აქვს იყოს არაობიექტურიც და მიკერძოებულიც დასავლური ტიპის პარტიების მიმართ, უფრო მეტიც, ეს დღეს სასიცოცხლოდ მნიშვნელოვანია რუსული საფრთხეების კვალდაკვალ !
მოქმედი ხელისუფლების პირობებში ერთი ადამიანის მიერ უზურპირებულია აღმასრულებელი, საკანონმდებლო და სასამართლო ხელისუფლება, ეს უკვე აღარ არის დემოკრატია ! ერთადერთი რაც ახლა შეგვიძლია არის ის, რომ ჩვენი ერთიანობით ხელისუფლებას და მათ კორუმპირებულ მოსამართლეებს დავანახოთ რამხელა ძალა აქვს ხალხს და პრინიცპულად მოვთხოვოთ უკან დახევა !
#ირაკლიღლონტი #პოლიტიკა