“ბი-ბი-სის” ინფორმაციით, საქართველოს მორაგბეთა ნაკრები ნოემბერში ტეს-ტმატჩს უელსის წინააღმდეგ ჩაატარებს.

ბოლო წლების ტრადიციის თანახმად, ბორჯღალოსნები ტესტ-სერიის ფარგლებში ტიერ ერთის რომელიმე გუნდს სტუმრად ეთამაშებიან.

2014 წელს, ჩვენები ირლანდიას დაუპირისპირდნენ, გასულ წელს კი შოტლანდიის ნაკრებს შეხვდნენ.

"ბი-ბი-სის" ცნობით, თამაში, კარდიფის მილენიუმის სტადიონზე შედგება, რომელსაც ამჟამად "პრინციპალითი სტედიუმი" ეწოდება.

შეგახსენებთ, რომ უელსის ნაკრები მსოფლიო რეიტინგში მეხუთე ადგილზეა. უელსთან მატჩამდე კი, საქართველოს ნაკრები რაგბი ებროპის ჩემპიონატის მიმდინარე გათამაშებაში კიდევ სამ თამაშს ჩაატარებს ესპანეთთან, რუსეთთან და რუმინეთთან.

რუსეთთან შეხვედრა 12 მარტს, "დინამო არენაზე" შედგება. უნდა აღინიშნოს, რომ ამ მატჩზე დასასწრები ბილეთების ონლაინ გაყიდვა უკვე სამი დღეა დაწყებულია. ბელეთების ფასი: 5, 10, 15 და 20 ლარი იქნება.