სამედიცინო ცენტრ „ურანტის“ ხელმძღვანელი ფსიქიატრიულ და ნარკოლოგიურ სამკურნალო დაწესებულებებში არსებულ კორუფციულ სქემებზე საუბრობს.
ზურაბ სიხარულიძე აცხადებს, რომ 2015 წლიდან სოციალური მომსახურების სააგენტოს მიერ გამოცხადებული ყველა ტენდერი ფსიქიკური ჯანმრთელობის და ნარკომანიის პრევენციის ცენტრზე არის მორგებული.
როგორც მან განმარტა, მას სოციალური მომსახურების სააგენტოსთან სოციალური დავა აქვს და შეტანილი საჩივრის განხილვა 23 თებერვალს არის ჩანიშნული.
სიხარულიძემ დაადასტურა რომ, ორგანიზაცია „გირჩის“ მიერ გუშინ გავრცელებულ ინფორმაციას ცენტრში არსებული თანხების არასწორად გადანაწილებასთან დაკავშირებით, სიმართლეა და „გირჩს“ ინფორმაცია სწორედ მან მიაწოდა.
ფსიქიკური ჯანმრთელობისა და ნარკომანიის პრევენციის ცენტრის ხელმძღვანელმა ლაშა კილაძემ განაცხადა, რომ ფინანსური კუთხით, რეგიონში ფსიქიატრიული განყოფილების შენახვა არცთუ სახარბიელოა.
მისი განმარტებით, მიზანმიმართული კამპანიები მიმდინარეობს და არ გამორიცხავს, რომ ვიღაც არის მეტადონის მოწოდების სერვისის ხელში ჩაგდების მსურველი.