დაკავებული დეკანოზის საქმეზე საპატრიარქოში დისკუსია დაიწყო. გერმანიიდან დაბრუნებული კათოლიკოს-პატრიარქი სხვადასხვა იერარქიის სასულიერო პირებს უსმენს.
შეხვედრაზეა პრემიერიც. ილია მეორე ერთი კვირის წინ განვითარებულ მოვლენებს უცნაურ სიტუაციად აფასებს და სახელმწიფოს და ეკლესიის ერთობლივი გამოძიების აუცილებლობაზე საუბრობს.
მედიასთან განცხადებებს აღარ ერიდებიან სასულიერო პირებიც. შეფასებების დროს დღეს ეკლესიის წინააღმდეგ შეთქმულებაც ახსენეს.
საპატრიარქოში მიმდინარე შეხვედრა უკვე დატოვა პრეზიდენტმა, რომელსაც გამოძიების პროცესის მიმართ შენიშვნები აქვს.
გიორგი მარგველაშვილის აზრით, გაუთქმელობის ვალდებულების გამო, დეკანოზ გიორგი მამალაძის დაცვის მხარე არათანაბარ პირობებშია ჩაყენებული. ანალოგიური პოზიცია აქვს სახალხო დამცველსაც.
სწორედ მსგავსი შეფასებების გამო, სახელმწიფოს მეთაური და ომბუდსმენი მმართველი პარტიის ერთ-ერთი ლიდერის მხრიდან შენიშვნას იღებენ.