96 წელი საქართველოს პირველი კონსტიტუციის მიღებიდან. “დამფუძნებელი კრების შესახებ” - ასე ჰქვია წიგნს, რომლის პრეზენტაცია დღეს მოსწავლე-ახალგაზრდობის იმ დარბაზში გაიმართა, სადაც 1921 წლის 21 თებერვალს დამფუძნებელმა კრებამ საქართველოს პირველი კონსტიტუცია მიიღო.
ნაშრომი დამფუძნებელ კრებას შეეხება, რომელიც საქართველოს პირველი რესპუბლიკის მიერ იქნა შერჩეული.
პრეზენტაციაზე საქართველოს პრეზიდენტი სიტყვით გამოვიდა და მადლობა წიგნის ავტორებს და იმ წინაპრებს გადაუხადა, რომლებმაც საფუძველი ჩაუყარეს ახალი რესპუბლიკის ფორმით საქართველოს ფუნქციონირებას.
გიორგი მარგველაშვილმა ყურადღება დამოუკიდებლობის მნიშვნელობაზე გაამახვილა და აღნიშნა, რომ ამ დრომდე ჩვენი ქვეყნის ტერიტორიები ოკუპირებულია და საქართველოს მოქალაქეები არასდროს შეეგუებიან ამ უსამართლობას.
მოსახლეობას საქართველოს დამფუძნებელი კრების პირველი რესპუბლიკის კონსტიტუციის 96 წლისთავს ულოცავს პარლამენტის თავმჯდომარეც. ირაკლი კობახიძის განცხადებით, მნიშვნელოვანია, რომ საქართველოს მოქმედი კონსტიტუცია სწორედ 1921 წლის კონსტიტუციის ისტორიულ-სამართლებრივ მემკვიდრეობას ეფუძნება