თბილისის პარასპორტულ ცენტრში, დღეს, პირველი ინტეგრირებული ტურნირი ჩატარდა მჯდომარე ფრენბურთში, რომელშიც უმაღლესი სასწავლებლების გუნდების გარდა, მონაწილეობა თავდაცვის სამინისტროს დაჭრილ და დაშავებულ ჯარისკაცთა გუნდმა არმიამ მიიღო.

ფინალურ შეხვედრაში არმიამ საქართველოს ტექნიკური უნივერსიტეტის გუნდი ორ სეტში დაამარცხა და ტურნირის გამარჯვებული გახდა.

აღსანიშნავია, რომ არმიის გუნდმა, ევროპის ჩემპიონატზე ასპარეზობის ლიცენზია მოიპოვა და ნოემბერში, ხორვატიაში გასამართ კონტინენტის პირველობაზე ითამაშებს.