იუნესკოში ქართული ჭიდაობის არამატერიალური მემკვიდრეობის წარმომადგენლობით ნუსხაში წარდგენასთან დაკავშირებით, დღეს, სამუშაო შეხვედრა გაიმართა.
შეხვედრაზე ჩატარებული სამუშაოების შესახებ ანგარიში მოისმინეს. ქართული ჭიდაობის ეროვნული ფედერაციის ინიციატივით და კულტურული მემკვიდრეობის დაცვის ეროვნული სააგენტოს კოორდინირებით შეიქმნა სამუშაო ჯგუფი, რომელიც ინტენსიური შეხვედრების რეჟიმში მუშაობდა იუნესკოში წარსადგენი დოკუმენტაციის მომზადებასა და დამუშავებაზე.
შეგახსენებთ, რომ 2014 წლის 8 აპრილს, ქართულ ჭიდაობას არამატერიალური კულტურული მემკვიდრეობის ძეგლის სტატუსი მიენიჭა. წელს კი, საქართველოს მთავრობის დადგენილებით, განესაზღვრა ეროვნული სტატუსი.
საინიციატივო ჯგუფი იუნესკოს შესაბამის დოკუმენტიაციას უახლოეს პერიოდში გადაუგზავნის