კომპანია „ჯორჯიან უოთერ ენდ ფაუერი“ დამატებით 300 ადამიანს დაასაქმებს. დასაქმების ფორუმი, დღეს, დილის 10:00 საათიდან „ექსპო ჯორჯიაში“ მიმდინარეობს და საღამოს 17:00 საათამდე გაგრძელდება.

ღონისძიებაზე მოსულ კანდიდატებს საშუალება ეძლევათ, კომპანიის დარგობრივი მიმართულების ექსპერტებს გაესაუბრონ და სასურველი ვაკანსიის შესახებ დეტალური ინფორმაცია მიიღონ.

პროექტის მხარდამჭერები, ტრადიციულად, საქართველოს ჯანდაცვის სამინისტროს სოციალური მომსახურების სააგენტო, თბილისის მერია და საკრებულოა.