ბოლო ორთვენახევრის განმავლობაში, პირველად, ლარის კურსი დოლარის მიმართ 2 ლარსა და 60 თეთრიან ნიშნულს ჩამოცდა.

ვალუტის გადამცვლელ პუნქტებში ერთი ამერიკული ვალუტა 2 და 59 თეთრად იყიდება. ბლუმბერგის სავაჭრო პლატფორმაზე კი დოლარის მინიმალურ ღირებულებად 2 ლარი და 58 თეთრი დაფიქსირდა.

აღსანიშნავია, რომ იანვარში ექსპორტსა და ფულად გზავნილებში, რომელიც ლარის კურსის გამყარებას უწყობს ხელს, დადებითი ტენდენცია აღინიშნება.

ექსპორტი წინა წლის იანვართან შედარებით 45 პროცენტით გაიზარდა, ფულადი გზავნილები კი 26 პროცენტით.