პროკურატურა თუ მაღალი იერარქიის სასულიერო პირები - ვისთან ისაუბრებს ე.წ. ციანიდის საქმეზე დაკავებული დეკანოზი. მამა გიორგი მამალაძე პატრიარქთან ან წმინდა სინოდის წევრებთან შეხვედრას ითხოვს.
ექიმები ბრალდებულის ჯანმრთელობის მდგომარეობას უკვე დადებითად აფასებენ. არ არის გამორიცხული ის უახლოეს მომავალში კვლავ სასჯელაღსრულებით დაწესებულებაში დააბრუნონ.
მამა გიორგი მამალაძე მზად არის დუმილი დაარღვიოს და გამოძიებას ჩვენება მისცეს, თუმცა მანამდე ის საპატრიარქოს პასუხს ელოდება.
სისხლის სამართლის საქმის დეტალებზე საუბრობს ბრალდებულის ახალი ადვოკატი.
უფლებადამცველის თქმით, მნიშვნელოვანი დეტალი საქმეში არსებული ცეცხლსასროლი იარაღი.
დღესვე, პროკურატურა შორენა თეთრუაშვილს გამოკითხავს. ინფორმაცია „მოამბეს“ საპატრიარქოში დაუდასტურეს.