საქართველოსა და სომხეთს აქვთ მრავალსაუკუნოვანი კეთილმეზობლური, მეგობრული ურთიერთობა და ჩვენი მომავალი ამ საუკეთესო ტრადიციებზე უნდა ავაშენოთ, - ამის შესახებ საქართველოს პრემიერმინისტრმა სომეხ კოლეგასთან შეხვედრისას განაცხადა.

კარენ კარაპეტიანმა გიორგი კვირიკაშვილს მადლობა გადაუხადა მოწვევისთვის. მხარეებმა, პირისპირ შეხვედრისას, სხვადასხვა სფეროში ორმხრივ თანამშრომლობაზე ისაუბრეს და მეგობრული ურთიერთობების შემდგომი გაღრმავების მზადყოფნა გამოთქვეს.

დღესვე, სომხეთის პრემიერმინისტრი დელეგაციასთან ერთად საქართველოს პრეზიდენტმა მიიღო.