კონგოში მყოფი საქართველოს მოქალაქე ისევ ამბოხებულების ტყვეობაშია. ქართველი მფრინავის სოსო ოსორაულის ადგილსამყოფელი ამ დრომდე დაუდგენელია.
სამხრეთ აფრიკის რესპუბლიკაში საქართველოს ელჩის ინფორმაციით, მძევლის გათავისუფლების მიზნით, კონგოს ხელისუფლებასთან აქტიური კომუნიკაციაა.
დიპლომატი შეიარაღებული დაჯგუფების მხრიდან გამოსასყიდის მოთხოვნას ჯერ არ ადასტურებს. საგარეო საქმეთა სამინისტრო ინფორმაციას ჯერ აზუსტებს.
შეგახსენებთ, რომ ინციდენტი იანვრის ბოლოს მოხდა. შვეულმფრენი, რომელსაც ქართველი მფრინავი მართავდა, ამბოხებულთა დაჯგუფებამ ჩამოაგდო და რამდენიმე მძევალი აიყვანა.
სოსო ოსორაული საქართველოს შეიარაღებული ძალებიდან 2 წლის წინ წავიდა. შვეულმფრენის ჩამოგდების დროს კიდევ ერთი ქართველი მფრინავი დაიჭრა.ის კონგოში მკურნალობს.