ევროპის ლიგის გათამაშებაზე, ყველა მერვედფინალისტი გუნდი გამოვლენილია. მეთექვსმეტედფინალის ერთ-ერთი გამორჩეული წყვილი "ფიორენტინა" და მიონხენგლადბახის "ბორუსია" იყო.

პირველი მატჩი იტალიურ კლუბს სტუმრად 1-0 ჰქონდა მოგებული და გუშინაც საპასუხო შეხვედრა კარგად დაიწყო, როდესაც მეტოქეს, საწყის ნახევარ საათში ორი ბურთი გაუტანა. გოლები, ნიკოლა კალინიჩმა და ბორხა ვალერომ გაიტანეს.

ბორუსია თითქოს გამოუვალ მდგომარეობაში დარჩა, თუმცა ტაიმის მიწურულს ლარს შტინდლმა ერთი ბურთი გაქვითა. მეორე ნახევრის სტარტზე შტინდლმა კიდევ ორჯერ აიღო მეტოქის კარი და გერმანელმა ნახევარმცველმა ჰეთ-თრიკი გაიფორმა.

მესამოცე წუთზე კი დანიელმა ანდრეას კრისტიანსენმა თამაშს საბოლო წერტილი დაუსვა შეხვედრას.

4-2 გლადბახელთა სასარგებლოდ. ორი მატჩის ჯამში, სწორედ გერმანელები გავიდენენ მომდევნო ეტაპზე.

მერვედფინალში ითამაშებს "რომა". მიუხედავად იმისა, რომ გუშინ იტალიელებმა 0-1 წააგეს საკუთარ მოედანზე "ვილიარეალთან", შემდგომ ეტაპზე, ლუჩანო სპალეტის გუნდი იასპარეზებს.

ჯალოროსის პირველი შეხვედრა სტუმრად, ელ მადრიგალზე 4-0 ჰქონდა მოგებული. გუშინდელ დაპირსპირებაში ერთადერთი გოლი, სტუმართა კოლუმბიელმა ფორვარდმა, რაფაელ ბორრემ, მე-15-ე წუთზე გაიტანა