ზაზა ფაჩულია გარკვეული პაუზის შემდეგ მოედანს დაუბრუნდა. ქართველ კალათბურთელს მხრის ტრავმა აწუხებდა და რამდენიმე შეხვედრაში "გოლდენ სტეიტს" ვერ ეხმარებოდა.

დღეს დილით ზაზამ კვლავ სასტარტოში დაიწყო და მატჩი 6 ქულით და 4 მოხსნით დაასრულა. მისმა გუნდმა კი საკუთარ ორეკლ არენაზე ლოს ანჯელეს კლიპერსი ანგარიშით 123-113 დაამარცხა.

"უორიორზის" რიგებში მორიგი შთამბეჭდავი თამაში ჩაატარა სტეფ კარიმ, რომელმაც 35 ქულა, 7 მოხსნა და 5 შედეგიანი გადაცემა გააკეთა. კევინ დიურანტის ანგარიშზე 25 ქულა 15 მოხსნა და 7 პასია.

"გოლდენ სტეიტი" 48 მოგებით და 9 მარცხით, დასავლეთ კონფერენციის ლიდერია. ოკლენდელები მორიგ შეხვედრას ზეგ, ისევ საკუთარ მოედანზე, ბრუკლინ ნეტსის წინააღმდეგ ჩაატარებენ.