სამცხე-ჯავახეთის პოლიციის დეპარტამენტის თანამშრომლებმა თოვლში ჩარჩენილი 45 მოქალაქე გამოიყვანეს.

სამაშველო ღონისძიებები ნინოწმინდა-წალკა-თბილისის საავტომობილო გზაზე ჩატარდა, საიდანაც დიდთოვლობისა და რთული მეტეოროლოგიური პირობების გამო, 15 ავტომანქანა გამოსვლას ვერ ახერხებდა.

სამართალდამცველებმა ავტომანქანებიდან 4 მოხუცი და 5 მცირეწლოვანი ბავშვი მშობლებთან ერთად უსაფრთხო ადგილზე გადაიყვანეს. ამ დროისთვის გზის აღნიშნულ მონაკვეთზე გაწმენდითი სამუშაოები მიმდინარეობს.