წამყვანი ამერიკული მედიასაშუალებები: “სი-ენ-ენი”, “ნიუ იორკ თაიმსი” და “ლოს ანჯელეს თაიმსი” თეთრ სახლში გამართულ ბრიფინგზე არ შეუშვეს.

ინფორმაციას ტელეკომპანია “სი-ენ-ენი" ავრცელებს. შეზღუდვა შეეხო ბრიტანულ “ბი-ბი-სისაც”.

„დარბაზში შესვლისას მე თეთრი სახლის თანამშრომელმა გამაჩერა და მითხრა, რომ სიაში არ ვარ“, - განაცხადა “სი-ენ-ენის”კორესპონდენტმა.

თეთრი სახლი და პრეზიდენტი დონალდ ტრამპი რამდენიმე მედიასაშუალებას არასაწორი ინფორმაციის გავრცელებაში ადანაშაულებენ.

აშშ-ის პრეზიდენტი “თვითერის” გვერდზე წერს, რომ ყალბი მედია სიმართლეს შეგნებულად არ ამბობს, რაც ქვეყნისთვის საფრთხეს წარმოადგენს.