აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი საქართველოში პოლონეთის რესპუბლიკის ელჩს შეხვდა.
ვახტანგ ყოლბაიამ პოლონელ დიპლომატს საქართველოს ტერიტორიული მთლიანობის მხარდაჭერისთვის მადლობა გადაუხადა. შეხვედრისას ყოლბაიამ ხაზი გაუსვა 2 ქვეყნის მეგობრულ ურთიერთობებსა და მათ სიმტკიცეს.
აფხაზეთის მთავრობის თავმჯდომარემ დიპლომატს ოკუპირებულ ტერიტორიაზე დღეს არსებული მდგომარეობა და ის პრობლემები გააცნო, რომლებსაც ადგილობრივ მოსახლეობას საოკუპაციო რეჟიმი უქმნის.
განსაკუთრებული ყურადღება გამახვილდა გალის რაიონში ქართულ ენაზე სწავლების აკრძალვასა და მდინარე ენგურზე გადასავლელების დაკეტვაზე. ამასთანავე განიხილეს სხვადასხვა სოციალურ-ეკონომიკური პროექტების განხორციელების შესაძლებლობა.