ამერიკელი კონგრესმენები ამ წუთებში საქართველოს პარლამენტის ოპოზიციონერ დეპუტატებს ხვდებიან. მანამდე კი დემოკრატი და რესპუბლიკელი კონგრესმენები პარლამენტის თავმჯდომარე ირაკლი კობახიძეს შეხვდნენ და ერთობლივი განცხადებები გააკეთეს.
უცხოელი სტუმრების ვიზიტის მიზანი საქართველოსთან საპარლამენტო საქმიანობის გაძლიერებაა. დაგეგმილ შეხვედრებზე ორმხრივი თანამშრომლობის საკითხებს განიხილავენ.
ამერიკელმა კონგრესმენებმა დააფიქსირეს მხარდაჭერა საქართველოს მისწრაფებების მიმართ და ხაზი გაუსვეს ქართველი მებრძოლების წვლილს ავღანეთის მისიებში.
დაგეგმილია შეხვედრები საქართველოს პარლამენტის რამდენიმე კომიტეტის თავმჯდომარეებთანაც.
დღესვე, ამერიკელი კონგრესმენები საქართველოს პრემიერმინისტრ გიორგი კვირიკაშვილს შეხვდებიან.