პარლამენტში რიგგარეშე სესიის მოწვევისა და პლენარულ სხდომაზე ე.წ. ფარული მომსენების კანონპროექტის განხილვის საკითხზე ბიუროს დღევანდელ სხდომაზე იმსჯელებენ.
დღესვე, დაზუსტდება რიგგარეშე სხდომის გამართვის თარიღი. დეპუტატები ასევე საფინანსო ზედამხედველეობის ფუნქციის კვლავ ეროვნული ბანკისათვის დაბრუნების საკითხს განიხილავენ.
შესაბამისი კანონპროექტი პარლამენტს გასულ კვირაში წარედგინა. საკანონმდებლო ინიციატივის მიხედვით, საჯარო სამართლის იურიდიული პირი საფინანსო სააგენტო უქმდება.
ცვლილება ჯამში 17 კანონში შედის. პარლამენტმა საფინანსო სექტორზე ზედამხედველობის ფუნქცია ეროვნულ ბანკს 2015 წელს ჩამოართვა და შესაბამისი კანონმდებლობა მიიღო.
დღესვე, ბიურო იმ კანონპროექტებს განიხილავს, რომლებზეც მსჯელობა წინა სასესიო კვირაში ვერ შედგა.