გერმანიაში 2016 წელს მიგრანტებსა და მიგრანტების საცხოვრებელზე ყოველდღიურად 10 თავდასხმა ხდებოდა - ინფორმაციას ამის შესახებ „დოიჩე ველე“ კვლევაზე დაყრდნობით ავრცელებს.

უფლებადამცველები აცხადებენ, რომ ხელისუფლება თავშესაფრის მაძიებლების დასაცავად საკმარის ზომებს არ იღებს.

გასული წლის განმავლობაში, თავშესაფრის მაძიებლებზე და მათ საცხოვრებლებზე თავდასხმის 3 533 ფაქტი დაფიქსირდა, რის შედეგადაც 560 ლტოლვილი დაშავდა, მათ შორის - 43 ბავშვი.

კვლევის თანახმად, მიგრანტებზე თავდასხმის სამი მეოთხედი ქუჩაში მოხდა, დანარჩენი 988 შემთხვევა ლტოლვილების სახლებზე განხორციელდა.

მთელი წლის განმავლობაში, თავდასხმების შედეგად თავშესაფრის მაძიებელთა საკითხებზე მომუშავე 217 ორგანიზაცია და მოხალისე დაზარალდა.