ქართული ღვინის პრეზენტაცია-დეგუსტაციები ბოსტონსა და ნიუ-იორკში გაიმართა. ბოსტონში ღვინისა და სპირტიანი სასმელების მასშტაბურ საერთაშორისო გამოფენაში, ქართული ღვინის მწარმოებელი 18 კომპანია მონაწილეობდა.

ნიუ-იორკში კი „ქართული ღვინის დღე“ მოეწყო, სადაც წარმოდგენილი იყო 20-მდე ქართული კომპანიის 40 დასახელების როგორც ქვევრის, ისე კლასიკური მეთოდით დაყენებული ღვინოები. ვიზიტის ფარგლებში ღვინის ეროვნული სააგენტოს თავმჯდომარემ შეხვედრები გამართა ადგილობრივ იმპორტიორებთან და დისტრიბუტორებთან.

გასულ წელს აშშ-ში 300 ათასამდე ბოთლი ქართული ღვინის ექსპორტი განხორციელდა, სულ კი ღვინის მოხმარების ბაზრის კვლევების თანახმად, აშშ-ში წლის განმავლობაში 3 მლრდ. ლიტრზე მეტი ღვინო მოიხმარება.