საზოგადოებრივ მაუწყებელში სახალხო დამცველს ელიან. შეხვედრა მენეჯმენტსა და უჩა ნანუაშვილს შორის, სავარაუდოდ, ხვალ ან ზეგ გაიმართება.

ომბუდსმენს მოწვევა უკვე გაუგზავნეს. შეხვედრაზე მაუწყებელში შექმნილი ვითარება და სახალხო დამცველის განცხადება უნდა განიხილონ, რომელსაც საზოგადოებრივი მაუწყებლის აღმასრულებელი საბჭოს პასუხიც მოჰყვა.

საპასუხო განცხადებაში მენეჯმენტი ამბობდა, რომ ნანუაშვილის განცხადება სარედაქციო დამოუკიდებლობაში ჩარევის განცდას აჩენს.