ცენტრალური საარჩევნო კომისია საარჩევნო ადმინისტრაციების წარმომადგენელთა მე-7 შეხვედრას მასპინძლობს.
ყოველწლიური შეხვედრა, რომლის თემაც ინოვაციური არჩევნები და საარჩევნო პროცედურებია, ბორჯომში, 2 დღის განმავლობაში გაგრძელდება.
ღონისძიებას საქართველოს პარლამენტის თავმჯდომარე, ცესკო-ს თავმჯდომარე, საპარლამენტო სწავლების საერთაშორისო ცენტრის ხელმძღვანელი და საარჩევნო სისტემების საერთაშორისო ფონდის პროგრამების ვიცე-პრეზიდენტი დაესწრებიან.
თამარ ჟვანია შეხვედრის მონაწილეებს საარჩევნო ადმინისტრაციის მიერ განხორციელებულ სიახლეებს გააცნობს და იმ ინოვაციურ სერვისებზე ისაუბრებს, რაც ადმინისტრაციამ 2016 წლის საპარლამენტო არჩევნებზე შესთავაზა ამომრჩეველს.
ღონისძიებაში 20 ქვეყნის საარჩევნო ადმინისტრაციის, 11 ქვეყნის საერთაშორისო ორგანიზაციის, აშშ საელჩოს და საარჩევნო ტექნოლოგიებზე ორიენტირებული კომპანიების წარმომადგენლები მიიღებენ მონაწილეობას.