ხუთწლიანი პროცესის წარმატებული ფინალი: საქართველოს მოქალაქეები ევროპის ქვეყნებში უვიზოდ მიმოსვლის უფლებას მარტის ბოლოდან მიიღებენ.
შესაბამისი რეგულაცია რამდენიმე საათის წინ ევროპულ საბჭოში შეკრებილმა მინისტრებმა მიიღეს.
ახლა დარჩენილია ფორმალური პროცედურა. ორ დღეში შეთანხმების ხელმოწერის ცერემონია გაიმართება, 9 მარტს კი ტექსტი ევროკავშირის საკანონმდებლო მაცნეში გამოქვეყნდება, რის შემდეგაც მაქსიმუმ 20 დღეში უვიზო რეჟიმი ამოქმედდება.
საქართველო მეორეა აღმოსავლეთ პარტნიორობის პროგრამის მონაწილეებს შორის, რომელთანაც ევროკავშირს თავისუფალი მიმოსვლა ექნება.
ვიზალიბერალიზაციასთან ერთად, ძალაში შევა უვიზო რეჟიმის დროებითი შეჩერების მექანიზმიც, რომლის რეფორმირება თავის დროზე ჩვენი ქვეყნისთვის უვიზო მიმოსვლის დაწესების გახანგრძლივების მიზეზი გახდა.
ერთი თვე ვიზების გარეშე მოგზაურობამდე: ქეთევან ქარდავა ევროპული საბჭოს დღევანდელი გადაწყვეტილების შესახებ ბრიუსელიდან.