ვიზალიბერალიზაციის ამოქმედებისთვის აუცილებელი პროცედურები სრულდება. ბიომეტრიული პასპორტით საქართველოს მოქალაქეები ევროკავშირის ქვეყნებში მოგზაურობას უკვე მარტის ბოლოსთვის შეძლებენ.

„გილოცავთ და კეთილი იყოს თქვენი მობრძანება“ – ამ სიტყვებით მიმართა, დღეს, საქართველოს პრემიერმინისტრთან ერთად გამართულ ბრიფინგზე შეკრებილებს, მიგრაციისა და საშინაო საკითხებში ევროკომისარმა დიმიტრის ავრამოპულოსმა.

ევროკავშირის მაღალჩინოსნის შემდეგ, საქართველოს პროგრესსა და უვიზო რეჟიმის პროცედურების დასრულებაზე განცხადებები გააკეთეს ევროკავშირის ელჩებმაც.