17 წლის შემდეგ "ნოკია - 3310" მობილური ტელეფონების ბაზარზე განახლებული ბრუნდება. პრეზენტაცია ბარსელონაში, მსოფლიოს მობილური ტელეფონების კონგრესზე შედგა.
განახლებული "ნოკიას" დიზაინი ოდნავ შეცვლილია – ის უფრო მცირე ზომისაა და გაცილებით თხელია, ვიდრე მისი წინამორბედი.
შეგახსენებთ, "ნოკია 3310"-ის გაყიდვები 2001 წელს დაიწყო, მომხმარებელს განსაკუთრებით მოსწონდა ტელეფონის გამძლე კორპუსი და ელემენტის მუშაობის ხანგრძლივობა. "ნოკიას" ბრენდის ახალი მფლობელი, ფინური კომპანია "ეიჩ-ემ-დი" მომხმარებელს ჰპირდება, რომ ახალი "ნოკია" გაიმეორებს ძველ მახასიათებლებს.
მას შეუძლია ერთი დამუხტვით საუბრის რეჟიმში 22 საათი, მოლოდინის რეჟიმში კი თითქმის ერთი თვე იმუშაოს. ტელეფონი გაყიდვაში წლის ბოლომდე გავა და 49 ევრო ეღირება. #tech #ტექნოლოგია