„გამომძიებლების შეკითხვების ძირითადი ნაწილი ეხებოდა ჩემ მიერ საჯაროდ გაკეთებულ სხვადასხვა განცხადებას“, - ამის შესახებ ჭყონდიდის მიტროპოლიტმა პეტრე ცაავამ საქართველოს მთავარი პროკურატურასთან დაკითხვიდან გამოსვლის შემდეგ განაცხადა.
„თუ მოტივაცია იქნება, რომ განცხადების გამკეთებელი ყველა ადამიანი, როგორც მე, იქნება დაკითხული, მიმაჩნია, რომ იმისათვის, რათა სამართალი არ იყოს მიკერძოებული, რომელსაც ვეძახი ფარისევლობას, დაცული რომ ვიყოთ ამ ფარისევლობისგან, სწორი იქნებოდა, რომ ჩემამდე ყველაზე დიდი განცხადების ავტორები დაეკითხათ, ვგულისხმობ ქვეყნის პირველ პირებს, რომლებმაც ასე გააზვიადეს და შეცდომაში შეიყვანეს საქართველოს მოსახლეობა“ - განაცხადა მიტროპოლიტმა პეტრე ცაავამ.
მისი თქმით, დაკითხვაზე გამომძიებლების შეკითხვები შეეხო ასევე ვიბერ-მიმოწერის საკითხს. კერძოდ, საუბარია, სხვადასხვა მედიასაშუალების მიერ გავრცელებულ მიმოწერაზე, სადაც მამა პეტრეს უცნობი პირი სთხოვს, რომ ე.წ. ციანიდის საქმეზე საგამოძიებო ორგანოში ვრცლად არ ესაუბრა.
როგორც დაკითხვიდან გამოსვლის შემდეგ მიტროპოლიტმა განაცხადა, მედიაში გავრცელებული ვიბერ-მიმოწერა ავთენტურია.