ხმაურით და სიტყვიერი დაპირისპირებით დაიწყო ,,ნაციონალური მოძრაობის” სამეგრელოს რეგიონალური კონფერენცია. ადგილზე შეკრებილ დელეგატებს, რეგიონის მასშტაბით, პოლიტსაბჭოს ახალი წევრები უნდა არეჩიათ.

კონფლიქტი საბჭოს წევრობის კანდიდატების გარშემო დაიწყო. პარტიის წევრთა ნაწილი სიაში კიდევ ორი პირის შეყვანას ითხოვდა. პროტესტის მიზეზი გახდა სიაში ზაალ გოროზიას და ლევან კონჯარიას ყოფნაც, რის გამოც პარტიის მხარდამჭერთა ნაწილმა კონფერენცია დატოვა.

საბოლოოდ მხარეებმა კონსენსუსს მიაღწიეს. დელეგატებმა პოლიტსაბჭოს რვა ახალი წევრი აირჩიეს. კონფერენციის მონაწილეებს სკაიპით ყოფილმა პრეზიდენტმა, მიხეილ სააკაშვილომაც მიმართა.