საქართველო სწრაფად მიიწევს წინ და სპორტის სფეროში ევროპის საბჭოს წინაშე, ნაკისრ ვალდებულებებს წარმატებით ასრულებს. ასეთი შეფასება მისცა, საქართველოში სამუშაო ვიზიტით მყოფმა, ეპასის აღმასრულებელმა დირექტორმა, სტანისლას ფროსარდმა საქართველოში განხორციელებულ რეფორმებს.

ფროსარდი დღეს სპორტისა და ახალგაზრდობის საქმეთა მინისტრ ტარიელ ხეჩიკაშვილს შეხვდა. სამინისტროში გამართულ შეხვედრაზე მხარეებმა განიხილეს ევროპის საბჭოსა და ეპასის ფარგლებში მიმდინარე თანამშრომლობის ორმხრივი საკითხები, მათ შორის: ევროპის საბჭოს სპორტის სფეროში არსებული კონვენციების მდგომარეობა, ეროვნულ დონეზე არსებული სიტუაცია, კარგი მმართველობის პრინციპების დახვეწა და სამომავლო თანამშრომლობის საკითხები.