მმართველი გუნდი რომელიმე ორგანიზაციაში ქვეყნის წევრობის საკითხის ჩაწერას კონსტიტუციაში მხარს არ უჭერს.
საკონსტიტუციო კომისიის სამუშო ჯგუფის დღევანდელ შეხვედრამდე "ქართულმა ოცნებამ" საკუთარი პოზიცია ღიად დააფიქსირა.
პარლამენტის პირველი ვიცე-სპიკერი ამბობს, რომ ქვეყნის საგარეო კურსი უკვე დაფიქსირებულია სხვადასხვა დოკუმენტში, შესაბამისად, არ არსებობს საჭიროება, რომ ქვეყნის ევროპული და ევროატლანტიკური კურსი კონსტიტუციაშიც აისახოს.
ჯერჯერობით უცნობია მმართველი გუნდის საბოლოო პოზიცია იმ ინიციატივასთან დაკავშირებით, რომელიც პრეზიდენტის კიდევ ერთი უფლების შეკვეცას ეხება.
კომისიის წევრები ინიციატივის ავტორს ვერ იხსენებენ, თუმცა ამბობენ, რომ შესაძლოა უზენაესი სასამართლოს მოსამართლეობის კანდიდატების წარდგენის უფლება პრეზიდენტს ჩამოერთვას და იუსტიციის უმაღლეს საბჭოს გადაეცეს.