„მოამბის“ ყოფილმა თანამშრომელმა, ლაშა მესხმა, მხარდამჭერებთან ერთად, საზოგადოებრივი მაუწყებლის შენობის წინ აქცია გამართა.
აქციას როგორც მაუწყებელში მოქმედი ორი პროფკავშირის, ისე რკინიგზელთა პროფკავშირის წარმომადგენლები ესწრებოდნენ.
ჟურნალისტი მის გათავისუფლებას არაკანონიერად მიიჩნევს და აცხადებს, რომ ეს არის თავისუფალი სიტყვის დევნა.
ლაშა მესხი საზოგადოებრივ მაუწყებელს ორდღიან ვადას აძლევს, რათა ხელმძღვანელობამ გადაწყვეტლება შეცვალოს, წინააღმდეგ შემთხვევაში, როგორც საპროტესტო აქციების სახით, ისე სამართლებლივი კუთხით აპირებს ბრძოლის გაგრძელებას.
ახალი და მიმდინარე ამბების ბლოკის დირექტორი კი განმარტავს, რომ შრომითი ხელშეკრულების ამოწურვის შემდეგ ლაშა მესხთან თანამშრომლობის გაგრძელების შესაძლებლობას ვერ ხედავს.