28 მარტი - ისტორიული თარიღი ცნობილია. სწორედ ამ დღიდან საქართველოს მოქალაქეები შენგენის ზონაში უვიზოდ მიმოსვლას შეძლებენ. ყველა პროცედურა დასრულებულია.

ოფიციალურ ჟურნალში განახლებული რეგულაცია ზუსტად ერთ კვირაში გამოქვეყნდება. 20 დღის შემდეგ კი საქართველოს მოქალაქეები ევროკავშირის წევრი ქვეყნების საზღვრის გადაკვეთას ვიზების გარეშე მხოლოდ ბიომეტრიული პასპორტებით შეძლებენ.

ვიზალიბერალიზაციის რეჟიმის შემოღებასთან დაკავშირებულ რეგულაციას ხელი ბრუსელში 3 საათის წინ მოეწერა.

ცერემონიას მთავრობის მეთაური გიორგი კვირიკაშვილი და საქართველოს დელეგაცია დაესწრო.

საქართველო პირველი ქვეყანაა სამხრეთ კავკასიიდან და მეორე - აღმოსავლეთ პარტნიორობის მონაწილე სახელმწიფოებიდან, რომელმაც უვიზო რეჟიმი მიიღო.