სამთეთრიანი გამყარების შემდეგ ბლუმბერგის სავაჭრო სისტემაში ლარი პოზიტიურ ტრენდს ინარჩუნებს, თუმცა გაგრძელდება თუ არა ეროვნული ვალუტის გამყარების ტენდენცია, ლარის კურსთან დაკავშირებით პროგნოზების გაკეთება მთავრობას ისევ უჭირს.
ფინანსთა მინისტრი აღნიშნავს, რომ მცურავი კურსის პირობებში კონკრეტული მაჩვენებლების დასახელება რთულია, თუმცა მინისტრმა ის ფაქტორები ჩამოთვალა, რომელიც ლარის კურსზე დადებითად მოქმედებს, ესაა - ექსპორტისა და ტურიზმის მაჩვენებლის ზრდა, ფულადი გადარიცხვები და სხვა.
ეროვნული ბანკის პრეზიდენტი კი განმარტავს, რომ ამ შემთხვევაში მნიშვნელოვანია საგარეო ფაქტორებისა და სავაჭრო პარტნიორების მდგომარეობის გათვალისწინება. დღეს ერთი ამერიკული დოლარის ოფიციალური ღირებულა 2 ლარსა და 48 თეთრს შეადგენს.