ამერიკის კინოაკადემია ოსკარის დაჯილდოების ცერემონიალზე, საუკეთესო ფილმის ნომინაციაში გამარჯვებულის შეცდომით დასახელების გამო, აპირებს გადახედოს თითქმის საუკუნოვან თანამშრომლობას, ფინანსური სერვისის გლობალურ გიგანტ „ფრაის-ვოთერ-ჰაუსთან“, რომელიც დაჯილდოების ცერემონიის აუდიტორულ მომსახურებას 1934 წლიდან უწყვეტად ახორციელებს.

აკადემიის გადაწყვეტილებით, ფრაის-ვოთერ-ჰაუსის ორი პარტნიორი კომპანია, რომელიც ოსკარის დაჯილდოების ცერემონიალის ორგანიზებაში იღებდა მონაწილეობას და რომელთა კომპეტენციაში კონვერტების მიწოდება შედიოდა, მომავალ წელს აღარ იქნებიან მოწვეული, რადგან სწორედ მათ მიაწოდეს წამყვანებს კონვერტი შეცდომით.