თებერვალში ინფლაციის ზრდის ტრენდი შენარჩუნდა. "საქსტატის" ცნობით, საქართველოში ინფლაციის დონემ, წინა თვესთან შედარებით 1,7 პროცენტი, ხოლო წლიური ინფლაციის დონემ - 5,5 პროცენტი შეადგინა.

წინა თვესთან შედარებით, სურსათი და უალკოჰოლო სასმელების ჯგუფში ფასები გაიზარდა 1,7 პროცენტით. მათ შორის, ბოსტნეული და ბაღჩეული გაძვირდა 6,7%-ით, ხორცი და ხორცის პროდუქტები - 2,7%, ხილი და ყურძენი 2,5%, ზეთი და ცხიმი 1,8%. ტრანსპორტის ჯგუფში ფასები გაიზარდა 3,5 პროცენტით, ალკოჰოლური სასმელები და თამბაქო კი, 5,1 პროცენტით გაძვრიდა.

ფასები გაიზარდა როგორც თამბაქოს ნაწარმზე (9,4 პროცენტი), ისე ალკოჰოლურ სასმელებზე (0,9 პროცენტი).