მარტი 2, 2017
194
სენაკში 8 წლის მოზარდის გარდაცვალების საქმეზე დაკავებულ პირს, აღკვეთის ღონისძიების სახით, პატიმრობა შეუფარდეს. საქმეზე სენაკის რაიონულმა სასამართლომ იმსჯელა.
მდინარე ტეხურში მოზარდის სამძებრო სამუშაოები დღეს დილიდან განახლდა. მასში, როგორც სამაშველო სამსახური, ისე სამხარეო პოლიცია და ადგილობრივი ხელისუფლებაა ჩართული.
შეგახსენებთ, მოზარდი ერთი კვირის წინ დაიკარგა. როგორც საზოგადოებრივს შსს-ში განუცხადეს, არსებული ინფორმაციით, ბიჭი მდინარის პირას ჯართს აგროვებდა, რა დროსაც წყალში ჩავარდა. შსს-ს განცხადებით, ამ დროს მდინარესთან კიდევ ერთი პირი იმყოფებოდა, რომელიც დააკავეს. მოზარდის ოჯახი მკვლელობის ვერსიაზე საუბრობს და მეზობელს ადანაშაულებს.
მაჩვენე მეტი