საფრანგეთის ნაციონალისტური პარტია „ეროვნული ფრონტის“ ლიდერს, მარინ ლე პენს ევროპარლამენტმა სადეპუტატო იმუნიტეტი მოუხსნა.

მიზეზი პოლიტიკოსის მიერ სოციალურ ქსელ „თვითერში“, 2015 წელს გამოქვეყნებული ფოტოები გახდა, რომელიც ტერორისტული ორგანიზაცია „ისლამური სახელმწიფოს” სისასტიკეს ასახავს. ამის გამო ლე პენის წინააღმდეგ საფრანგეთში გამოძიება დაიწყო, თუმცა აქამდე „ეროვნული ფრონტის“ ლიდერსა და პრეზიდენტობის კანდიდატს, ევროპარლამენტის სადეპუტატო იმუნიტეტი იცავდა.

ფრანგული კანონმდებლობით, მსგავსი ფოტოების გასაჯაროება სამწლიან პატიმრობას ან 75 ათასი ევროს ოდენობით ჯარიმას ითვალისწინებს.