დეკანოზ გიორგი მამალაძის ადვოკატი ახალ გარემოებაზე საუბრობს. მიხეილ რამიშვილის განცხადებით, საქმის მასალებში არსებულ დოკუმენტებში ერთი და იმავე პროკურორის განსხვავებული ხელმოწერებია, რაც მტკიცებულების დაშვებულობას ეჭვქვეშ აყენებს, თუმცა კონკრეტულად რომელ მტკიცებულებაზეა საუბარი, ადვოკატი არ აკონკრეტებს.
მეორე ადვოკატი გიორგი ფანცულაია კი პრკურატურას ცრუ ინფორმაციის გავრცელებაში ადანაშაულებს, იმასთან დაკავშირებით, რომ დეკანოზმა კრიტიკულ კითხვებს თავი აარიდა.
მისი თქმით, დაკითხვაზე ბრალდებულმა პროკურორებს დიდი ინფორმაცია მიაწოდა, მეორე დღეს კი ის ჯანმრთელობის მდგომარეობის გამო დაკითხვის ოთახში არც შესულა და არც კითხვების შინაარსზე ჰქონდა ინფორმაცია.
დღესვე, გიორგი ფანცულაიამ პროკურატურას დამატებითი მტკიცებულებების გადაცემის მოთხოვნით მიმართა