იუსტიციის მინისტრი სახალხო დამცველის მიერ სახელმწიფოს წინააღმდეგ მოქმედებაზე საუბრობს.

თეა წულუკიანის თქმით, სტრასბურგში, ვანო მერაბიშვილის საქმეზე უჩა ნანუაშვილი დაცვის მხარის ერთ-ერთი მოწმეა. თავად ომბუდსმენი ამბობს, რომ მინისტრი საზოგადოების არასწორ ინფორმირებას ახდენს და მან, ვანო მერაბიშვილის მხარეს, მხოლოდ საკუთარ ანგარიშში მოყვანილი დასკვნები მიაქვს.

ვანო მერაბიშვილის საქმეზე სტრასბურგის სასამართლო მსჯელობას მომავალ კვირას დაიწყებს და ამჯერად, საქართველოს მთავრობის სარჩელს განიხილავს.