ადამიანის უფლებათა ევროპულმა სასამართლომ „რუსთავი 2-თან“ დაკავშირებით უზენაესი სასამართლოს გადაწყვეტილების აღსრულება 8 მარტამდე შეაჩერა.

ეს არის სტრასბურგის სასამართლოს დროებითი ღონისძიება, რომელიც სამ პირობას ითვალისწინებს: საქართველოს სახელმწიფოს ეკრძალება 2 მარტის გადაწყვეტილების აღსრულება მანამ, სანამ სტრასბურგის სასამართლო შეტანილ საჩივარს არ განიხილავს არსებითად და არ გამოიტანს საბოლოო გადაწყვეტილებას; ასევე საქართველოს ხელისუფლებას ეკრძალება დახუროს ან გააადვილოს „რუსთავი 2-ის“ დახურვა; დოკუმენტი კიდევ ერთ მოთხოვნას ითვალისწინებს - აეკრძალოს ხელისუფლებას, შეცვალოს მენეჯმენტი ან ბორდი ამ კომპანიაში.

რაც შეეხება შემდგომ პროცედურას, თეა წულუკიანის განმარტებით, 8 მარტამდე სტრასბურგის სასამართლო უნდა შეიკრიბოს და საქმეზე კოლეგიური გადაწყვეტილება მიიღოს.