საფეხბურთო სეზონი სამტრედიაში სენსაციური შედეგით გაიხსნა. ეროვნული ლიგის პირველ შეხვედრაში, ქვეყნის ჩემპიონმა სამტრედიამ ქობულეთის შუქურას უმასპინძლა და მისი დამარცხება ვერ მოახერხა. მასპინძლები დავით რაჟამაშვილის გოლით მე-19 წუთზე დაწინაურდნენ, მაგრამ ტაიმის ბოლოს შუქურას ნახევარმცველმა ლევან საბაძემ წონასწორობა აღადგინა. საბოლოოდ, მატჩი 1:1 დასრულდა.

დღეს, ეროვნულ ლიგაში კიდევ 4 შეხვედრა გაიმართება: თბილისის „დინამო“ ფოთის „კოლხეთს“ უმასპინძლებს, „ლოკომოტივი“ - ბათუმის „დინამოს“, „ჩიხურა“ ზესტაფონში გორის „დილას“ მიიღებს, ხოლო “საბურთალო” - მიხეილ მესხზე ქუთაისის "ტორპედოს" დაუპირისპირდება.