ევროსასამართლოს გადაწყვეტილებასთან დაკავშირებით პირველი კომენტარი გააკეთა ქიბარ ხალვაშმა. ის დარწმუნებულია, რომ სტრასბურგში გადაწყვეტილებას სწორედ მის სასარგებლოდ გამოიტანენ და უზენაესი სასამართლოს განჩინებას მეტი ლეგიტიმაცია მიეცემა.

ხალვაშის განცხადებით, ის მზად არის „რუსთავი ორის“ დამფუძნებლებს გია დვალსა და ჯარჯი აქიმიძეს ტელეკომპანიის 50%-იანი წილი გადასცეს, თუმცა მოლაპარაკების დეტალები, სავარაუდოდ, მათი შეხვედრის შემდეგ გახდება ცნობილი.

ქიბარ ხალვაშმა ის მიზეზებიც განმარტა, რამაც 2005-2006 წლებში, იმდროინდელ ხელისუფლებასთან მისი კონფლიქტი გამოიწვია, რის შემდეგაც ხალვაშის მტკიცებით, მას „რუსთავი ორი“ დაათმობინეს. ამ საკითხებზე ქიბარ ხალვაშმა ტელეკომპანია „იმედის“ ეთერში ისაუბრა.