რამდენად სამართლიანია სამართლებრივი გადაწყვეტილება.
პირი, რომელმაც „ნაციონალური მოძრაობის“ ხელისუფლების დროს კანონიერი მესაკუთრეებისათვის იძულებით ჩამორთმეული ქონება ხელისუფლების მითითებით იყიდა, დღეს, ტელეკომპანია „რუსთავი ორის“ ბედს განკარგავს.
ყველაზე ოპოზიციური და შეიძლება ითქვას, ყველაზე კრიტიკული ტელეკომპანიის საქმე, ხელისუფლების შეფასებით, მხოლოდ საკუთრების დავაა, თუმცა როგორც ქვეყნის შიგნით, ისე მის ფარგლებს გარეთ, დამდგარი შედეგი შეშფოთებას იწვევს.
აქტუალურია კითხვა – იკვეთება თუ არა საქმეში ხელისუფლების ჩართულობა. პირველი ინსტანციის სასამართლოს, სააპელაციოს და უზენაესის დიდი პალატის გადაწყვეტილებები.
სასამართლო ინსტანციებამდე „რუსთავი ორის“ კუთვნილებაზე არაერთი განცხადება გაუკეთებიათ ხელისუფლების მაღალი თანამდებობის პირებს, მათ შორის ყოფილ პრემიერ ბიძინა ივანიშვილსაც, რომელიც მიხეილ სააკაშვილის თხოვნით, „რუსთავი ორის“ საქმეზე მის ერთ-ერთ აწ უკვე გარდაცვლილ დამფუძნებელ ეროსი კიწმარიშვილთან, არხის მომავალი გარდაქმნის საკითხზე მოლაპარაკებასაც კი აწარმოებდა.
„რუსთავი ორის“ 100 პროცენტიანი წილი, დღეს, ქიბარ ხალვაშის არის, თუმცა საბოლოო პასუხი ახლა ევროპის ადამიანის უფლებათა სასამართლოზეა დამოკიდებული, რომელმაც საქმეზე უპრეცედენტო გადაწყვეტილება მიიღო.
სტრასბურგში მოპასუხე მხარე დღეს მიემგზავრება. საქართველოს ხელისუფლების ინტერესებს საფრანგეთში იუსტიციის სამინისტრო დაიცავს.
სტრასბურგში უწყების ხელმძღვანელი თეა წულუკიანი ჩადის. ნახეთ შორენა ხვიჩიას რეპორტაჟი.