რუსთავში, მე 19 მიკრორაიონში, ბებია და 12 წლის შვილიშვილი ბინაში გარდაცვლილები იპოვეს.

„მოამბის“ კორესპონდენტის ინფორმაციით, წუხელ, მაშველებმა ბინის კარი შეამტვრიეს და ბებია და შვილიშვილი გარდაცვლილები ნახეს.

წინასწარი ინფორმაციით, გარდაცვალების მიზეზი ბუნებრივი აირის გაჟონვა გახდა.

სავარაუდოდ ისინი რამდენიმე დღის გარდაცვლილები არიან.

როგორც ცნობილია, გარდაცვლილი ქალი 52 წლის იყო, შვილიშვილი კი მასთან იზრდებოდა.

შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 240-ე პრიმა მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.