სტრასბურგის სასამართლოსადმი არასამთავრობო ორგანიზაციების მიმართვას მავნებლურ მოთხოვნად აფასებს გია ვოლსკი. მისი თქმით, როგორც არასამთავრობო სექტორის, ისე პოლიტიკურ პარტიათა ნაწილი მთავრობას უსაფუძვლო მოტივებში ადანაშაულებს, რაც მედიის თავისუფლებაზე ზეწოლას გულისხმობს. მისი თქმით, კონკრეტული ძალების ეს ნაბიჯი რუსულ პროპაგანდას ემსახურება, რომელიც საქართველოს საერთშორისო იმიჯის შელახვას ითვალისწინებს.

ოპოზიციაში კი კვლავ კრიტიკა ისმის მმართველი გუნდის წინააღმდეგ, სადაც „რუსთავი ორის“ ირგვლივ განვითარებულ მოვლენებში ყოფილი პრემიერის ინტერესებს კითხულობენ და აღნიშნავენ, რომ სტრასბურგის სასამართლოს ბოლო გადაწყვეტილება საქართველოდან გაჟღერებული საგანგაშო სიგნალის შედეგია.